Ráiteas Sábháilteachta maidir le Foghlaim ar Fad Scoil Náisiúnta Modeligo
Ráiteas maidir le Fanacht Sábháilte i dTimpeallacht na Foghlama ar Fad
In Scoil Náisiúnta Modeligo, tá sé ríthábhachtach go n-úsáideann pobal na scoile ar fad an Gréasán Domhanda go sábháilte.
Cuireann múinteoirí tábhacht mhór ar úsáid shábháilte agus eiticiúil an Idirlín a choinneáil le linn foghlama ar líne agus is mian leo tacú le tuismitheoirí/caomhnóirí agus iad a bheith ar an eolas faoina ról chomh maith. Coinneoidh gach múinteoir sonraí pearsanta na ndaltaí slán agus iad ag obair ón mbaile agus leanfaidh siad polasaí cosanta sonraí (GDPR) na scoile maidir le húsáid ríomhphoist. Ní úsáidfidh múinteoirí ach líonraí dúnta, iontaofa nó seirbhísí scamall le haghaidh comhdhálacha agus cumarsáide ranga/daltaí.
Comhlíonfaidh múinteoirí aon rialacha agus nósanna imeachta maidir le rochtain scamall, aip nó líonra, sonraí logála isteach agus comhroinnt sonraí.
Tuigfidh tuismitheoirí/caomhnóirí dlíthiúla go bhfuil siad ag ligean dá bpáistí rochtain a fháil ar an Idirlíon chun críocha oideachais agus go bhfuil siad faoina maoirseacht dhíreach agus iad ag déanamh amhlaidh, ar chúiseanna sábháilteachta. Ba chóir do dhaltaí an tIdirlíon a úsáid ar bhealach freagrach freisin agus cloí le gach srian a leagann a dtuismitheoirí/caomhnóirí síos.
Tá gach réamhchúram réasúnta déanta ag an scoil chun sábháilteacht ar líne a sholáthar ach ní féidir an scoil a chur faoi fhreagracht má théann daltaí ar shuíomhanna gréasáin nó ábhar mí-oiriúnach.
B’fhéidir gur mhaith le tuismitheoirí machnamh a dhéanamh ar an gcaoi a n-úsáidtear an tIdirlíon ina dteach féin, agus iniúchadh a dhéanamh ar bhealaí inar féidir leo an tsábháilteacht a uasmhéadú dá dteaghlach féin.
Oibreoidh na geallsealbhóirí uile le chéile chun leas a bhaint as buntáistí na foghlama ar líne agus na leibhéil sábháilteachta is airde a chinntiú i gcónaí.
Daingníodh an ráiteas seo ag an Bord Bainistíochta i Meán Fómhair 2021.